Buddhist monks in front of the Angkor Wat

ယဉ်ကျေးမှုအနုပညာလက်ရာတွေနဲ့ ပတ်သက်ပြီး ကမ္ဘာမှာ ထင်ရှားတဲ့ နေရာတွေရှိပါတယ်။ မြန်မာနိုင်ငံမှာဆိုရင် ပုဂံလို့ပြောလိုက်ရင် မရောက်ဘူးတဲ့လူသာ ရှိမယ်။ မကြားဘူးတဲ့ လူရယ်လို့ မရှိပါဘူး။ ဒါကြောင့်လည်း မြန်မာမှာ ပုဂံ၊ ပုဂံမှာရှိတဲ့ ဘုရား၊ စေတီတွေ၊ ဂူဘုရားတွေနဲ့ ခေတ်ပြိုင်လက်ရာလို့ ပြောလို့ရနိုင်တဲ့ အနုပညာမြောက်လှတဲ့ နေရာတစ်နေရာကလည်း အရှေ့တောင်အာရှမှာ တစ်နေရာရှိနေပါတယ်။ အဲဒီနေရာက ကမ္ဘာအံ့သြဖွယ်ရာများစာရင်းထဲမှာလည်း ပါပါတယ်။ အဲဒါဘယ်နေရာလဲဆိုတာ သိကြရဲ့လား။ ပရိသတ်ကြီးတို့။

ကမ္ဘာအကြီးဆုံး ဘာသာရေးအဆောက်အဦတစ်ခုလို့ ပြောလို့ရတဲ့ အရှေ့တောင်အာရှရဲ့ ကမ္ဘောဒီးယားနိုင်ငံမှာရှိတဲ့ အန်ကောဝပ်ဘုရားကျောင်း (Angkor Wat Temple) ပဲ ဖြစ်ပါတယ်။ မြန်မာ့ပုဂံနဲ့ ကမ္ဘောဒီးယား အန်ကောဝပ်က ခေတ်ပြိုင်ဖြစ်သလို လူတွေပြောနေကြတဲ့

မြန်မာအကြောင်းသိချင်ရင် ပုဂံကိုပို့ပေးရသလို ကမ္ဘောဒီးယားအကြောင်းသိချင်ရင် အန်ကောဝပ်ကိုသွားလို့ ပြောရလောက်တဲ့အထိကို နာမည်ကျော် ပါတယ်။

ကမ္ဘာကျော် အန်ကောဝပ်ကျောင်းတော်တည်ရှိရာ စီရံရိပ် (Siem Reap) မြို့က ကမ္ဘောဒီးယားမြို့တော်ဖနွမ်းပင် (Phnom Penh) မြို့ရဲ့ မြောက်ဘက်မိုင် ၂၅ဝ အကွာမှာ တည်ရှိပြီး တုန်လီဆပ် (Tonle Sap) အိုင်ကြီးနဲ့ ပိုင်းခြားထားပါတယ်။ တုန်လီဆပ်အိုင်က အရှေ့တောင်အာရှမှာ အကြီးဆုံးအိုင်ဖြစ်ပြီး စားနပ် ရိက္ခာကို အဓိကဖြည့်ဆည်းပေးတဲ့ သဘာဝအရင်းအမြစ်ဖြစ်ပြီး စိုက်ပျိုးရေးအပြင်သွားလာရေးအတွက် ရေလမ်းခရီးအဖြစ်လည်း အသုံးပြုနေပါတယ်။ အန်ကောဒေသကတော့ စီရံရီပ်မြို့ရဲ့ မြောက်ဘက် ၄ မိုင်ခန့်အကွာမှာ တည်ရှိပါတယ်။ ၇၇ စတုရန်းမိုင်ကျယ်ဝန်းတဲ့ ရှေးဟောင်းဒေသတစ်ခုလည်း ဖြစ်ပါ တယ်။

moast-view-of-angkor-wat

အန်ကောဝပ်တည်ရှိရာ အန်ကောသွန် ရှေးဟောင်းမင်းနေပြည်တော် (အန်ကော=မင်းနေပြည်၊ သွန်=မြို့တော်) ဆိုတာ ရှေးဟောင်းနယ်မြေ၊ ဘက်ပေါင်း စုံတဲ့ အနုပညာလက်ရာတွေ တစ်စုတစ်ဝေးတည်းရှိ နေတဲ့အချက်ကတော့ ပုဂံနဲ့တူညီနေပါတယ်။ ပုဂံနဲ့ အန်ကောဒေသက အဆောက်အအုံတွေဟာ ဘာသာရေး အတွေးအခေါ်တွေကို အခြေခံဆောက်ခဲ့ကြပေမဲ့လည်း ကွာခြားချက်အနေနဲ့ကတော့ အန်ကောဒေသမှာ ကျောက်နဲ့ဆောက်တဲ့ အဆောက်အဦကများပြီး အုတ်နဲ့ဆောက်တာနည်းသလို ပုဂံမှာကတော့ အုတ် နဲ့ဆောက်တာများပြီး ကျောက်နဲ့ဆောက်တာ နည်းပါတယ်။ အန်ကောဒေမှာဆောက်ခဲ့တဲ့ ဘာသာရေး အဆောက်အဦတွေက ၈ ရာစုကနေ ၁၁ ရာစုအတွင်း ဆောက်တဲ့အဆောက်အအုံတွေက ဟိန္ဒူဆန်တဲ့ God of the King ဒေဝရာဇာ အယူဝါဒနဲ့ ဆောက်ခဲ့ကြတာဖြစ် ပြီး ၁၂ ရာစုလောက်မှစတင်ပြီး ဗုဒ္ဓဘာသာ အဆောက်အဦတွေကို ဆောက်လုပ်ခဲ့တယ်လို့လည်း လေ့လာသိရှိ ရပါတယ်။

ကမ္ဘာကျော် အန်ကောဝပ်ကျောင်းတော်ကို ဒုတိယမြောက် သူရိယဝါရမန်မင်း (၁၁၁၂-၁၁၈ အေဒီ) နဲ့ ကမ္ဘောဒီးယားမှာရှိတဲ့ အနုပညာရှင်နဲ့ပြည်သူတွေက တည်ဆောက်ခဲ့ကြတာ ဖြစ်ပါတယ်။ အန်ကောဝပ် ကျောင်းဆောက်နေချိန်က ပုဂံမှာ ရွှေစည်းခုံ၊ အာနန္ဒာ၊ သဗ္ဗညုနဲ့ ရွှေဂူကြီးဘုရားတို့ကိုတည် ဆောက်နေချိန်လို့ လေ့လာသိရှိရပါတယ်။ အန်ကောဝပ်ကျောင်းတော်ကြီးကို ဗိဿနိုးနတ်မင်းကြီးကိုရည်စူးပြီး အခမ်းနားဆုံး ဖြစ်အောင် ဘုရင်က တည်ဆောက်ခိုင်းခဲ့တာဖြစ်ပြီး God of the King အယူဝါဒအရ ဘုရင် ဒုတိယမြောက် သူရိယဝါရမန်မင်းက မိမိအတွက် ခမ်းနားကြီးကျယ်တဲ့ သင်္ချိုင်းဂူကြီးအဖြစ် တည်ဆောက်ခဲ့တာလို့လည်း ဆိုကြပါတယ်။ သင်္ချိုင်းဂူဆိုပေမဲ့လည်း အလောင်းမြှုပ်နှံရန်မဟုတ်ဘဲ သူသေသွားပါက ရုပ်ကလာပ် ဒါမှမဟုတ် အရိုးပြာကို ကျောင်းတော်ကြီးရဲ့ ပင်မအဆောက်အအုံထဲမှာ ဌာပနာထားရန် ဖြစ်ပါတယ်။

Angkor-Wat

ဒီလောက်ကြီးမားတဲ့ အန်ကောဝပ် ကျောင်းတော်ကြီးကို ဘယ်လိုများ တည်ဆောက်ခဲ့ကြပါလိမ့်လို့ ရောက်ဖူးသူတိုင်း မြင်ဖူးသူတိုင်းက သိချင်ကြပါလိမ့်မည်။ ပြည်တွင်းပြည်ပ ပညာရှင်တွေက ကျောင်းတော်ကြီးတစ်ခုလုံးကို သုတေသနပြုချက်အရ ဒီကျောင်းတော်ကြီးကို နှစ်ပေါင်း ၅ဝ ခန့်ကြာအောင် တည်ဆောက်ခဲ့ကြရမယ်လို့ သုံးသပ်ခဲ့ကြပါတယ်။ အန်ကောဝပ်ကျောင်း အဆောက်အအုံကို ဗိသုကာလက်ရာအရ အဆင့်ဆင့်ပိုင်းခြားရလျှင်-မြေကာ နံရံအဖြစ် ကျောက်များဆင့်စီကာရံထားသော ရေပြည့်နေသည့်ကျုံး Cause Way (ခေါ်) မင်းလမ်းဖောက်လုပ်ထားရှိမှု Entrance အဖြစ် gapura ခေါ် အဝင်မုခ်ဦးနှင့် မဟာရံတံတိုင်း အတွင်းအပြင် Gallery စင်္ကြံပတ်လမ်း ဆောက်လုပ်ထားရှိမှု ကြီးမားသည့် ကျောက်ပစ္စယံနှင့် ဗဟိုဝတ်ပြု ပြသာဒ်ဆောင်နှင့် အရံပြသာဒ်ဆောင်များဖြင့် ဖွဲ့စည်းတည်ဆောက်ထားတယ်။

ss103926-custom1

ဘာသာရေးနှင့်ဆိုင်သည့် ဇာတ်လမ်းဇာတ်ကွက်များကိုလည်း ထူးခြားဆန်းကြယ်စွာ ကျောက်ဆစ်ထုသရုပ်ဖော်ကာ စင်္ကြံပတ်လမ်းများတွင် တင်ဆက် ထားသည်။ ဇာတ်လမ်းများကို ဗိဿနိုးနတ်မင်း၏ဘဝဖြစ်စဉ်၊ ရာမယနဇာတ်တော်၊ ဘုံခန်းနှင့်ငရဲခန်း များ၊ ရှေးခမာ ဘုရင်တွေ ညီလာခံကျင်းပနေပုံ၊ ဆင်စီး ပြီး စစ်ချီတက်နေပုံ စတာတွေကို သရုပ်ဖော်ထားပါတယ်။ အန်ကောဝပ် အဆောက်အအုံထဲကိုဝင်ဖို့ ပထမဆုံးရေပြည့်နေသော ကျုံးကို ဖြတ်ရပါမယ်။ အဲဒါကို Cause way (မင်းလမ်း) လို့ခေါ်ကာ တံတားလိုမျိုးဖြစ်ပြီး အလျားပေ ၇ဝဝ နဲ့အကျယ် ၃၆ ပေရှိသည်။ မင်းလမ်းမကြီးရဲ့ တစ်ဖက်တစ်ချက်မှာ ဦးခေါင်းခုနစ်လုံးပါတဲ့ နဂါးကြီးများနဲ့ လက်ရမ်းပြုလုပ်ထားသည်။ သက်တန့်ရောင်ပုံစံပေါ်ပေါက်စေရန် ရည်ရွယ်ထားတယ်လို့ သိရှိရပါတယ်။


မင်းလမ်းကိုကျော်ပြီးရင် အမြင့်ပေ ၃ဝ ရှိတဲ့ မဟာရံတံတိုင်းကိုတွေ့ရှိပြီး မုခ်လေးဘက်ကနေ ကျောင်းတော်ထဲကိုဝင်နိုင်ဖို့ စီမံထားပါတယ်။ ဒါပေမဲ့ အနောက်ဖက်မုခ်တစ်ခုတည်းကိုပဲ ခမ်းနားစွာ ပြုလုပ်ထားပြီး အမှန်တကယ်ဝင်ထွက်ရမည်မှာလည်း အနောက်ဖက်မုခ်ဦးပဲဖြစ်ပါတယ်။ အန်ကောဝပ်အဆောက်အအုံကို အစပိုင်း ဆောက်လုပ်ခဲ့ခြင်းရည်ရွယ်ချက်မှာ ဟိန္ဒူအယူဝါဒ ဖြင့်ဆောက်လုပ်ခဲ့တာဖြစ်ပေမဲ့ အခုအန်ကောဝပ် ကျောင်းတော်လို့ ခေါ်နေတာကတော့ ပါလမင်းဆက်မှ ဆင်းသက်လာတဲ့ ခမာဘုရင်တွေ ပျက်သုဉ်းသွားပြီး သတ္တမမြောက် ဇယဝါရမန်မင်း (၁၁၈၁-၁၂ဝဝ အေဒီ) က အန်ကောဝပ်ကို ဗုဒ္ဓသာသနိကအဆောက်အအုံအဖြစ် ပြောင်းလဲပေးခဲ့လို့ပဲ ဖြစ်ပါတယ်။ အန်ကောဝပ်အဆောက်အအုံကို ကမ္ဘောဒီးယား ခမာလူမျိုးတို့က အနုပညာစံတစ်ခုအဖြစ် သတ်မှတ်ပြီး အမျိုးသားရေးလက္ခဏာအဖြစ်လည်း အမျိုးသားအလံမှာ ထည့်သွင်းထားတာကိုထောက်ပြီး အန်ကော ဝပ် ကျောင်းတော်ကြီးကို သူတို့ ဘယ်လောက်ဂုဏ်ယူ မြတ်နိုးမှုရှိသလဲဆိုတာကို သိရှိနိုင်ပါတယ်။

LL
Reference : ကမ္ဘောဒီးယား၏အသည်းနှလုံး Angkor ၊ မျိုးညွန့် (ရှေးဟောင်းသုတေသန) Ancient Angkor

Go to top